இந்தியா மற்றும் நியூசிலாந்து அணிகளுக்கு இடையேயான 5வது மற்றும் கடைசி ஒருநாள் கிரிக்கெட் போட்டியின் நேரலை ஒளிபரப்பில் ஏற்பட்ட திடீர் தொழில்நுட்பக் கோளாறால், போட்டியை நேரலையில் காண முடியாமல் ரசிகர்கள் கடும் சிரமத்திற்கு உள்ளாகினர்.
நியூசிலாந்தின் மவுண்ட் மவுங்கானுய்யில் உள்ள பே ஓவல் மைதானத்தில், தொடரின் வெற்றியாளரைத் தீர்மானிக்கும் முக்கியமான 5வது ஒருநாள் போட்டி ஞாயிற்றுக்கிழமை இன்று தொடங்கியது. விறுவிறுப்பாக நடைபெற்றுக் கொண்டிருந்த இந்தப் போட்டியின்போது, எதிர்பாராத விதமாகத் தொழில்நுட்பக் கோளாறு ஏற்பட்டு நேரலை ஒளிபரப்பு பாதிக்கப்பட்டது. முக்கியமான கட்டத்தில் ஆட்டத்தைத் தொடர்ந்து பார்க்க முடியாமல் போனது ரசிகர்களிடையே பெரும் ஏமாற்றத்தையும் குழப்பத்தையும் ஏற்படுத்தியது.
ஒளிபரப்பில் ஏற்பட்ட இந்தத் தடையை உடனடியாகக் கவனத்தில் கொண்ட நியூசிலாந்து கிரிக்கெட் வாரியம் தனது அதிகாரப்பூர்வ எக்ஸ் (X) சமூக வலைதளப் பக்கத்தில் ரசிகர்களுக்கு விளக்கம் அளித்துள்ளது.
We are aware of broadcast issues impacting the coverage of the 5th ODI. Broadcast staff are working hard to fix the issue and resume full coverage as soon as possible. https://t.co/ilQh7CgTO4
— BLACKCAPS (@BLACKCAPS) November 15, 2026
அதில், “5வது ஒருநாள் போட்டியின் நேரலை ஒளிபரப்பில் தொழில்நுட்பக் கோளாறு ஏற்பட்டுள்ளதை நாங்கள் அறிவோம். இந்தப் பிரச்சினையை விரைந்து சரிசெய்து, முழுமையான ஒளிபரப்பை மீண்டும் தொடங்க எங்களது ஒளிபரப்புத் தொழில்நுட்பக் குழுவினர் கடுமையாக உழைத்து வருகின்றனர்” எனத் தெரிவிக்கப்பட்டுள்ளது.
முன்னதாக, இந்தப் போட்டியில் டாஸ் வென்ற நியூசிலாந்து அணி முதலில் பந்துவீச்சைத் தேர்வு செய்தது. 5 போட்டிகள் கொண்ட இந்த ஒருநாள் தொடரில் இந்திய அணி தற்போது 2-1 என்ற கணக்கில் முன்னிலையில் உள்ளது.
BROADCAST FAILURE DURING IND vs NZ 5TH ODI!
-Only ONE camera is currently working to cover the match, while all the other cameras appear to be switched off.This is absolutely disappointing. https://t.co/KZupC8ogr4
— Aarya
(@Vitamin_Vk18) November 15, 2026
4வது ஒருநாள் போட்டியில் 244 ரன்கள் வித்தியாசத்தில் அபார வெற்றி பெற்ற உத்வேகத்தில் இருக்கும் நியூசிலாந்து அணி, இந்தக் கடைசிப் போட்டியிலும் வென்று தொடரை 2-2 எனச் சமன் செய்யும் முனைப்பில் களமிறங்கியுள்ளது. அதேசமயம், இந்தப் போட்டியில் வெற்றி பெற்றுத் தொடரைக் கைப்பற்ற இந்திய அணி தீவிரமாகப் போராடி வருகிறது.
