அமெரிக்க செனட் அவையின் 4 உறுப்பினர்கள் சமீபத்தில் தைவானுக்கு பயணம் செய்தது குறித்து சீன வெளியுறவு அமைச்சகத்தின் செய்தித் தொடர்பாளர் மாவ் நிங் மார்ச் 30ஆம் நாள் கூறுகையில், அமெரிக்காவுக்கும் தைவான் பிரதேசத்துக்கும் இடையேயான அதிகாரப்பூர்வத் தொடர்புகளை சீனா எப்போதும் உறுதியுடன் எதிர்க்கிறது என்றும், அமெரிக்க தரப்பிடம் கடுமையான எதிர்ப்பு தெரிவித்துள்ளது என்றும் கூறினார். மேலும், சீன-அமெரிக்க உறவுகளின் ஒட்டுமொத்த நலன்களையும் தைவான் நீரிணையிலுள்ள அமைதி மற்றும் நிலைத்தன்மையையும் பேணிக்காக்கும் வகையில் அமெரிக்கா நடைமுறை நடவடிக்கைகளை எடுக்க வேண்டும் என்றும், தைவான் பிரச்சினையில் தொடர்ச்சியான, தெளிவான நிலைப்பாட்டைக் கொண்டுள்ள சீனா, தனது இறையாண்மை மற்றும் பிரதேச ஒருமைப்பாட்டைப் பேணிக்காப்பதற்கு தேவையான நடவடிக்கைகளை மேற்கொள்ளும் என்றும் அவர் தெரிவித்தார்.
