பாதுகாப்பான முதலீடாக பார்க்கப்படுகிற தங்கத்தின் விலையானது 2025ஆம் ஆண்டு தொடக்கத்தில் இருந்தே தொடர் ஏற்றம் கண்டு, கடந்த காலங்களுடன் ஒப்பிடுகையில் ஒரே ஆண்டில் 75% உயர்வை சந்தித்திருக்கிறது. அதேபோல், வெள்ளி விலையும் வரலாற்றில் இல்லாத வகையில் கடந்த ஆண்டில் மட்டும் 148% அதிகரித்தது.
பின்னர், இந்த ஆண்டு தொடக்கத்தில் இருந்தே போர் காரணமாக தங்கம் விலை 12% சரிவை சந்தித்த நிலையில், தற்போது மீண்டும் ஏறத் தொடங்கியிருக்கிறது. இருப்பினும், விலையுயர்ந்த உலோகமாக பார்க்கப்படுகிற தங்கத்திற்கு வரும்காலங்களிலும் சந்தை சூழல் சாதகமாக இருப்பதாக நிபுணர்கள் கூறுகின்றனர்.
ஆபரணத் தங்கத்தின் விலை இன்று (ஏப்.28) சவரனுக்கு ரூ.1040 குறைந்துள்ளது. நேற்று (ஏப்.,27) ஒரு சவரன் ரூ.113,840க்கு விற்பனையான நிலையில், இன்று ரூ.1040 குறைந்து, ஒரு சவரன் ரூ. 1,12,800க்கு விற்பனையாகிறது.
அதேபோல், இன்று கிராமுக்கு ரூ.130 குறைந்து, ஒரு கிராம் ரூ.14,100க்கு விற்பனை செய்யப்படுகிறது.
வெள்ளி விலை கிராமுக்கு ரூ.5 குறைந்து ஒரு கிராம் ரூ.265க்கு விற்கப்படுகிறது.
ஒரு கிலோ வெள்ளி ரூ.5000 குறைந்து ரூ.2,65,000க்கு விற்கப்படுகிறது.
Please follow and like us:
