தமிழ்நாடு அரசு மாநகராட்சிகள், நகராட்சிகள் மற்றும் பேரூராட்சிகளில் காலியாக உள்ள பணியிடங்களை இனி தமிழ்நாடு அரசுப் பணியாளர் தேர்வாணையம் (TNPSC) மூலம் நிரப்புவதற்கு வழிவகை செய்யும் சட்டத் திருத்தத்தை மேற்கொண்டுள்ளது. இதற்காகத் ‘தமிழ்நாடு அரசுப் பணியாளர் தேர்வாணையம் (கூடுதல் பணிகள்) சட்டம், 2022’-ல் மாண்புமிகு முதலமைச்சர் விஜய் தலைமையிலான அரசு உரிய திருத்தங்களைச் செய்து அமல்படுத்தியுள்ளது.
இதுவரை அந்தந்த உள்ளாட்சி அமைப்புகள் மூலமாகவே நேரடியாக நிரப்பப்பட்டு வந்த பணியிடங்கள், இனி இந்த புதிய சட்டத் திருத்தத்தின் கீழ் டிஎன்பிஎஸ்சி கட்டுப்பாட்டின் கீழ் கொண்டுவரப்படுகின்றன. இதன் மூலம் மாநிலம் முழுவதும் உள்ள 25 மாநகராட்சிகள், 148 நகராட்சிகள் மற்றும் 561 பேரூராட்சிகளில் காலியாக இருக்கும் அனைத்து பணியாளர் இடங்களும் இனி முறையான போட்டித் தேர்வுகள் மூலம் மட்டுமே நிரப்பப்படும்.
இந்த அதிரடி மாற்றத்தின் மூலமாக உள்ளாட்சி அமைப்புகளின் நியமனங்களில் அரசியல் தலையீடுகள், சிபாரிசுகள் மற்றும் முறைகேடுகள் முற்றிலும் தடுக்கப்பட்டு, முற்றிலும் தகுதியின் அடிப்படையில் மட்டுமே ஊழியர்கள் தேர்வு செய்யப்படுவார்கள். இதன் மூலம் அரசுப் பணிகளுக்கு முயலும் தகுதியுள்ள இளைஞர்களுக்கு வெளிப்படைத்தன்மையுடன் கூடிய சமமான வாய்ப்புகள் கிடைக்கப்பெறும்.
பணம் கொடுத்து வேலை பெறும் முறையற்ற பின்வாசல் நியமனங்களுக்கு முற்றுப்புள்ளி வைத்து, உண்மையாக உழைத்து அரசு வேலை கனவோடு காத்திருக்கும் இளைஞர்களின் எதிர்காலத்தை உறுதி செய்யும் வகையில் இந்த சட்டத் திருத்தம் கொண்டுவரப்பட்டுள்ளதாக தெரிவிக்கப்பட்டுள்ளது.
இளைஞர்களின் வேலைவாய்ப்பில் வெளிப்படைத்தன்மையை உறுதி செய்யும் சட்டத் திருத்தம்!
இதுவரை மாநகராட்சிகள், நகராட்சிகள், பேரூராட்சிகளில் அந்தந்த உள்ளாட்சி அமைப்புகள் மூலம் நிரப்பப்பட்டு வந்த பணியிடங்களை இனி TNPSC மூலம் நிரப்பும் வகையில், Tamil Nadu Public Service Commission (Additional Functions) Act, 2022-ல் மாண்புமிகு முதலமைச்சர் தலைமையிலான தமிழ்நாடு அரசு திருத்தங்களை மேற்கொண்டுள்ளது.
இதன்மூலம் 25 மாநகராட்சிகள், 148 நகராட்சிகள், 561 பேரூராட்சிகளில் அரசியல் தலையீடு மற்றும் சிபாரிசுகளுக்கு இடமின்றி, தகுதியின் அடிப்படையில் வெளிப்படைத்தன்மையுடன் பணியாளர் தேர்வு நடைபெற வழிவகை செய்யப்பட்டுள்ளது.
பணம் கொடுத்து வேலை பெறும் பின்வாசல் நியமனங்களைத் தடுத்து, தகுதியுள்ள இளைஞர்களின் அரசு வேலைக் கனவுக்கு வழிவகுக்கும் முன்னெடுப்பை மேற்கொண்டுள்ளது இளைஞர் நலன் பேணும் தவெக அரசு!
— TVK IT Wing Official (@TVKHQITWingOffl) November 11, 2026
