தமிழக பாஜக முன்னாள் தலைவர் செய்தியாளர்களை சந்தித்தார். அப்போது செய்தியாளர்களுடன் பேசிய அவர், கடந்த சில நாட்களில் நடந்த சில அரசியல் நிகழ்வுகள் சலிப்பை ஏற்படுத்தியுள்ளதாகக் குறிப்பிட்டுள்ளார்.
“ஒரு தமிழக வாக்காளராகவும், பாஜகவின் தொண்டனாகவும், நடந்த சில நிகழ்வுகள் எனக்கே ஏமாற்றமளிக்கின்றன,” என அவர் தெளிவாக கூறினார்.
அதேவேளை, டிடிவி தினகரன் பற்றியும், பிரதமர் மோடியின் மீது அவர் வைத்திருக்கும் மரியாதையைப்பற்றி பேசினார். “தினகரன் அவர்களுக்கு நான் ஏற்கனவே சொன்னேன். கொஞ்சம் பொறுமையாக இருக்க வேண்டும். நல்ல இலக்கை நோக்கி, சரியான முறையில் பயணம் செய்யவேண்டும். கடந்த 3 நாட்களாக நடப்பது என்னையும் திருப்திப்படுத்தவில்லை,” என அவர் தெரிவித்துள்ளார்.
தவெக தலைவர் விஜய் பற்றியும் கருத்து தெரிவித்த அண்ணாமலை, “விஜய், தங்கள் கட்சியின் கொள்கைகளின் படி மக்களை சந்திக்கட்டும். தேர்தலுக்கு இன்னும் 7 மாதங்கள் இருக்கிறது. நேரம் இருக்கிறது, அதனால், அவசரம் வேண்டாம். ஜனநாயகத்தில் எல்லோருக்கும் உரிமை இருக்கிறது. ஆனால், அதே சமயம் பொறுப்பும் இருக்கிறது,” என்றார்.
தேசிய ஜனநாயகக் கூட்டணியில் தவெக இணைவது குறித்து தெளிவாகக் கூற மறுத்த அண்ணாமலை, “விஜய் அவர்களின் அரசியல் பாதை தனி வழியில் போகிறது. அவர் பாஜகவை பிரதான எதிரியாக கருதுகிறார். இது நிலவிருக்கும் சூழ்நிலையில் தேசிய ஜனநாயக கூட்டணியில் அவர்களை இணைக்க முடியும் என்ற நம்பிக்கை இல்லை. புதிய கூட்டணிகள் உருவாகும் நேரம் இது அல்ல. இருக்கின்ற கூட்டணிகளை வலுப்படுத்துவது தான் இப்போது முக்கியம். அடுத்த 2-3 மாதங்கள் அரசியல் ரீதியாக தீர்மானமாக இருக்கும்,” எனவும் தெரிவித்துள்ளார்.
