இயக்குநர் சுதா கொங்கரா இயக்கத்தில், சிவகார்த்திகேயன், ரவி மோகன் நடிப்பில் பெரும் எதிர்பார்ப்புக்கு மத்தியில் உருவாகியுள்ள ‘பராசக்தி’ திரைப்படத்திற்கு, ஒருவழியாக மத்திய தணிக்கை வாரியம் (CBFC) சான்றிதழ் வழங்கியுள்ளது.
பல்வேறு இழுபறிகளுக்கு பிறகு, இப்படத்திற்கு ‘U/A’ சான்றிதழ் கிடைத்துள்ளதால், ஏற்கனவே திட்டமிட்டபடி நாளை (ஜனவரி 10) திரையரங்குகளில் இப்படம் வெளியாகிறது.
1960-களில் மெட்ராஸில் நடைபெற்ற இந்தி எதிர்ப்பு போராட்டங்களை மையமாகக் கொண்டு இப்படம் உருவாக்கப்பட்டுள்ளது.
முன்னதாக, தணிக்கை வாரியம் பரிந்துரைத்த 15-க்கும் மேற்பட்ட வெட்டுக்களை இயக்குநர் சுதா கொங்கரா ஏற்க மறுத்துவிட்டார்.
அந்த மாற்றங்கள் படத்தின் வரலாற்று உண்மைகளையும் கருப்பொருளையும் சிதைத்துவிடும் என்று அவர் வாதிட்டார்.
இதனைத் தொடர்ந்து, மும்பையில் உள்ள திருத்தக் குழுவிடம் (Revising Committee) மேல்முறையீடு செய்யப்பட்டது.
