இந்தியாவின் உள்நாட்டுப் பாதுகாப்புத் திறனுக்கு மேலும் ஒரு பெரிய உந்துதலாக, ஒருங்கிணைந்த வான் பாதுகாப்பு ஆயுத அமைப்பு (IADWS) வெற்றிகரமாகச் சோதனை செய்யப்பட்டுள்ளது.
பாதுகாப்பு அமைச்சர் ராஜ்நாத் சிங் ஞாயிற்றுக்கிழமை (ஆகஸ்ட் 24) இந்த மைல்கல் முன்னேற்றத்தை அறிவித்தார். ஒடிசா கடற்கரையில் சனிக்கிழமை பிற்பகல் இந்தச் சோதனை நடத்தப்பட்டதாக அவர் உறுதிப்படுத்தினார்.
IADWS என்பது, எதிரிகளின் பல்வேறு வான்வழி அச்சுறுத்தல்களை எதிர்கொள்ளும் வகையில் பாதுகாப்பு ஆராய்ச்சி மற்றும் மேம்பாட்டு அமைப்பால் (டிஆர்டிஓ) முற்றிலும் உள்நாட்டிலேயே வடிவமைக்கப்பட்டு உருவாக்கப்பட்ட ஒரு பல அடுக்கு அமைப்பாகும்.
இறக்குமதி செய்யப்பட்ட அமைப்புகளைப் போலல்லாமல், இது மூலோபாய சொத்துக்களைப் பாதுகாக்க பல உள்நாட்டு தொழில்நுட்பங்களை ஒருங்கிணைக்கிறது.
