யூனியன் பப்ளிக் சர்வீஸ் கமிஷனின் (யுபிஎஸ்சி) தலைவராக முன்னாள் மத்திய சுகாதார செயலராக இருந்த பிரீத்தி சுதன் நியமிக்கப்பட்டுள்ளார். பிரீத்தி சுதன் தற்போது யுபிஎஸ்சி-ன் உறுப்பினராக உள்ளார்.
UPSC-ன் முன்னாள் தலைவர் மனோஜ் சோனி ஆவார். அவர், தனது பதவிக்காலம் முடிவதற்கு முன்பே, தனிப்பட்ட காரணங்களுக்காக ராஜினாமா செய்வதாக அறிவித்த நிலையில், புதிய இயக்குநராக பிரீத்தி சுதன் நியமனம் செய்யப்பட்டுள்ளார்.
பிரீத்தி சுதன் UPSC தலைவராக பொறுப்பேற்கும் நியமனம் தொடர்பான அறிக்கையில், அவர், நாளை (வியாழக்கிழமை) ஆகஸ்ட் 1-ம் தேதி பொறுப்பேற்பார், மறு உத்தரவு வரும் வரை அல்லது அடுத்தாண்டு ஏப்ரல் 29 வரை யுபிஎஸ்சி தலைவராக ப்ரீத்தி சுதன் பதவி வகிப்பார் என் தெரிவிக்கப்பட்டுள்ளது.
கடந்த 1983-ம் ஆண்டு பேட்ச் ஐஏஎஸ் அதிகாரியான ப்ரீத்தி சுதன், நீண்ட காலமாக சுகாதாரத்துறை செயலாளராக இருந்துள்ளார். இது தவிர, அவர் 2022 முதல் UPSC உறுப்பினராக இருக்கிறார்.
ஆந்திரப் பிரதேச கேடர் அதிகாரி பிரீத்தி சுதன், உரத் துறை, பாதுகாப்பு அமைச்சகம் மற்றும் உணவு மற்றும் வழங்கல் துறையிலும் பணியாற்றியுள்ளார். பேட்டி பச்சாவோ, பேட்டி
படாவோ திட்டத்தை விரைவாக விரிவுபடுத்திய பெருமைக்கு உரியவர்.
இது தவிர, தேசிய மருத்துவ ஆணையம் மற்றும் இ-சுற்றோட்டத்தை தடை செய்வதற்கான மசோதாவை தயாரிப்பதிலும் அவருக்கு முக்கிய பங்கு உண்டு. ப்ரீத்தி சுதன் தனது பணியை குறித்த நேரத்தில் முடிக்கும் திறமையான அதிகாரியாக விளங்குகிறார்.
