முன்னாள் குடியரசு துணைத் தலைவர் ஜகதீப் தன்கர் அரசு இல்லத்தை காலி செய்தார்  

முன்னாள் குடியரசு துணைத் தலைவர் ஜகதீப் தன்கர், தனது பதவியை ராஜினாமா செய்த ஒரு மாதத்திற்குப் பிறகு, டெல்லியில் உள்ள தனது அரசு இல்லத்தைக் காலி செய்துள்ளார்.
உடல்நலக் காரணங்களைச் சுட்டிக்காட்டி ஜூலை 21 அன்று தன்கர் பதவி விலகியிருந்தார்.
தற்போது அவர், இந்திய தேசிய லோக் தளம் தலைவர் அபய் சிங் சவுதாலாவுக்குச் சொந்தமான தெற்கு டெல்லியில் உள்ள ஒரு தனியார் பண்ணை வீட்டில் தற்காலிகமாகத் தங்கவுள்ளார்.
குடியரசு துணைத் தலைவராக இருந்தவருக்குச் சொந்தமான டைப்-VIII வகை அரசு இல்லம் ஒதுக்கப்படும் வரை, தன்கர் இந்தப் பண்ணை வீட்டில் தங்குவார் என்று அவருக்கு நெருக்கமான வட்டாரங்கள் தெரிவித்துள்ளன.
பதவி விலகியதிலிருந்து அவர் பெரிதாக பொதுவெளியில் தோன்றவில்லை.