த.வெ.க தலைவர் விஜய்யின் தந்தை, பிரபல திரைப்பட இயக்குநர் எஸ்.ஏ. சந்திரசேகர், தமிழக வெற்றிக் கழக கட்சியில் (த.வெ.க) இணைந்திருப்பது அரசியல் வட்டாரத்தில் பரபரப்பை ஏற்படுத்தியுள்ளது.
கடந்த இரண்டு ஆண்டுகளாக எந்தவொரு அரசியல் கட்சியிலும் தன்னை தொடர்புபடுத்தாமல் இருந்ததைக் குறிப்பிட்ட எஸ்.ஏ.சி., “நான் இப்போது வேண்டுமானால் த.வெ.க என்ற கட்சியில் இருக்கலாம். எனக்கு பெரியார், அண்ணா, கலைஞர் ஆகிய மூவரும் மிகவும் பிடிக்கும்,” என தெரிவித்ததோடு, தன் அரசியல் மனப்பான்மையை வெளிப்படுத்தியுள்ளார்.
அண்மையில் இயக்குநர் அமீர், விஜய் ஒருவேளை வழிகாட்டுதலின்றி செயல்படலாம் என்பதால், அவரது தந்தை SAC அவருக்கு சீரான வழிகாட்டியாக இருப்பது அவசியம் என்று கருத்து தெரிவித்திருந்தார். எம்.ஜி.ஆர்., கருணாநிதி, ஜெயலலிதா ஆகிய முன்னாள் தலைவர்களுடன் நட்புறவில் இருந்த SAC, அரசியல் அனுபவம் வாய்ந்தவராகும். இதனை முன்னிட்டு, SAC-வின் தவெகவில் இணைப்பு, விஜய்க்கு ஒரு உறுதுணை மட்டுமன்றி, கட்சி வளர்ச்சிக்கும் முக்கிய தொடக்கமாக அமையும் என அரசியல் விமர்சகர்கள் தெரிவித்து வருகின்றனர்
