அண்மையில், மின்சார வாகனங்களை ஏற்றிச்சென்ற சீனாவின் கப்பல் ஒன்று, ஸ்பெயின், பிரிட்டன், நெதர்லாந்து, ஜெர்மனி உள்ளிட்ட இடங்களுக்கு ஆயிரக்கணக்கான மின்சார வாகனங்களை அனுப்பி, உள்ளூர் சந்தைகளின் தேவையை நிறைவு செய்தது.
சீனாவின் தரமிக்க உற்பத்தித் திறன், உலகத்துக்கு நன்மை பயப்பதை இது காட்டியுள்ளது. தற்போது, எரியாற்றல் பாதுகாப்பைப் பேணிக்காப்பது, காலநிலை மாற்றத்தைச் சமாளிப்பது உள்ளிட்ட கூட்டு அறைக்கூவல்களை முழு உலகமும் சந்தித்ததோடு, எரியாற்றலின் கார்பன் குறைந்த மற்றும் பசுமை வளர்ச்சிக்கான வாய்ப்புகளைப் பெற்றது. உலகத்தின் மிகப் பெரிய எரியாற்றல் உற்பத்தி மற்றும் நுகர்வு நாடான சீனா, பசுமை வளர்ச்சிக் கருத்தை ஆக்கமுடன் செயல்படுத்தி, தூய்மையான எரியாற்றல் வளர்ச்சியை முன்னேற்றி வருகிறது.
சீனாவின் பசுமை எரியாற்றல் வளர்ச்சி, உலகத்தின் விநியோகத்தை அதிகரித்ததோடு, உலகப் பசுமை வளர்ச்சிக்கும் காலநிலை மாற்றத்தைச் சமாளிப்பதற்கும் முக்கிய பங்காற்றியுள்ளது.
அத்துடன், உயர்நிலை வெளிநாட்டுத் திறப்பை சீனா தொடர்ச்சியாக முன்னேற்றி, தூய்மையான எரியாற்றல் பற்றிய சர்வதேச ஒத்துழைப்பை ஆழமாக்குவதற்கு புதிய வாய்ப்புகளை வழங்கியுள்ளது. எரியாற்றல் வர்த்தகம் மற்றும் முதலீட்டின் சுதந்திரமயமாக்கம் மற்றும் வசதிமயமாக்கத்தைச் சீனா ஆக்கமுடன் முன்னேற்றி, உலகப் பசுமை மற்றும் கார்பன் குறைந்த வளர்ச்சியை விரைவுபடுத்தியுள்ளது.
தொழில் நுட்பத்தின் தொடர்ச்சியான புத்தாக்கம், முழுமையான தொழில் மற்றும் விநியோகச் சங்கிலி, பெரிய அளவிலான சந்தை முதலிய காரணங்களால், சீனா, புதிய எரியாற்றல் வளர்ச்சியை விரைவுபடுத்தும் அதேவேளையில், உலக எரியாற்றல் வளர்ச்சி முறை மாற்றத்தையும் முன்னேற்றியுள்ளது.
